Luis Quintero
| Quintero | |||
|---|---|---|---|
 | |||
| Información persoal | |||
| Nome | Luis Eduardo Quintero Hernández | ||
| Nacemento | 12 de outubro de 2004 | ||
| Lugar de nacemento | Alacant | ||
| Altura | 1,78 m. | ||
| Posición | Extremo dereito | ||
| Información de club | |||
| Club actual | Amorebieta | ||
| Carreira xuvenil | |||
| Elche | |||
| 2014–2017 | Kelme | ||
| 2017–2023 | Villarreal | ||
| 2021–2022 | → Roda | ||
| Carreira sénior | |||
| Anos | Equipos | Aprs | (Gls) |
| 2022– | Villarreal Cl | 3 | (0) |
| 2023–2024 | → Amorebieta | 18 | (0) |
| 2024 | → Deportivo da Coruña | 5 | (0) |
| 2024– | → Amorebieta | 0 | (0) |
| Selección nacional | |||
| 2020– | Colombia sub-16 | 3 | (0) |
| 2022 | Colombia sub-20 | 2 | (0) |
|
Partidos e goles só en liga doméstica. Club: actualizado a 2 de setembro de 2024. Selección: actualizado a 5 de xullo de 2023.[ editar datos en Wikidata ] | |||
Luis Eduardo Quintero Hernández, nado en Alacant, o 12 de outubro de 2004, é un futbolista hispano-colombiano que xoga como extremo dereito no Amorebieta, cedido polo Vilarreal. É internacional coas categorías inferiores da selección de Colombia.
Traxectoria
[editar | editar a fonte]Naceu en Alacant, sendo fillo de inmigrantes colombianos naturais de Palmira, no departamento de Valle del Cauca.[1] Formouse como futbolista nas categorías inferiores do Elche e do Kelme, antes de ingresar en 2017 na canteira do Vilarreal.[1][2] Nas tempadas 2020/21 e 2021/22 xogou na División de Honra co equipo xuvenil do CD Roda, equipo que mantén un convenio de colaboración co Vilarreal.[3] De regreso no equipo amarelo, na tempada 2022/23 debutou co equipo C na Terceira División RFEF, nun partido ante o Rayo Ibense.[4]
Na primeira metade da campaña 2023/24 xogou cedido no Amorebieta, da Segunda División,[5] categoría na que debutou o 11 de agosto, nun empate 1-1 na casa ante o Levante.[6] Disputou un total de 20 partidos co club vasco, saíndo en case todos dende o banco de suplentes.
O 31 de xaneiro de 2024 anunciouse a súa marcha do Amorebieta e a súa chegada ao Deportivo da Coruña, cedido cunha opción de compra.[7] A súa vinculación co Deportivo e coa Coruña viña xa dende a súa infancia, pois pasaba os veráns na cidade galega, onde vivía parte da súa familia materna e onde se afeccionou ao Deportivo.[8] Apenas contou coa confianza do adestrador do Imanol Idiakez, que só o aliñou durante 39 minutos repartidos en cinco encontros.
Para a tempada 2024/25 volveu saír cedido ao Amorebieta.[9]
Selección nacional
[editar | editar a fonte]Elixible para xogar tanto con España como con Colombia, escolleu a nacionalidade de seus pais, sendo convocado por primeira vez polas categorías inferiores da selección colombiania a principios de 2020, para un torneo sub-16 en Portugal, onde participou en partidos contra Alemaña, os Países Baixos e Portugal.[1] En 2022 disputou coa selección sub-20 o Torneo Maurice Revello en Bocas do Ródano, acabando no cuarto lugar.[10][11]
Vida persoal
[editar | editar a fonte]É curmán do tamén futbolista Juan Sebastián Quintero.[1]
Palmarés
[editar | editar a fonte]- Deportivo da Coruña
- Primeira Federación (1): 2023/24.
Notas
[editar | editar a fonte]- ↑ 1,0 1,1 1,2 1,3 ""Mi lugar siempre será la Selección Colombia": Luis Quintero, jugador del Villarreal de España" (en castelán). 21 de xuño de 2022. Consultado o 31 de xaneiro de 2024.
- ↑ Candel Ortega, Santiago (2 de agosto de 2022). "Luis Quintero: «Siempre me he fijado en Hazard»" (en castelán). Consultado o 31 de xaneiro de 2024.
- ↑ Maraví Coppa, Jean Pierre (8 de decembro de 2021). "Luis Quintero, la joya colombiana que se hace un camino en España" (en castelán). Consultado o 31 de xaneiro de 2024.
- ↑ "Luis Quintero, el futbolista alicantino que ha dado calabazas a España para jugar con Colombia" (en castelán). 27 de setembro de 2022. Consultado o 31 de xaneiro de 2024.
- ↑ "Luis Quintero, cedido al Amorebieta" (en castelán). 6 de xullo de 2023. Consultado o 31 de xaneiro de 2024.
- ↑ "El Amore no se arruga ante un buen Levante". Marca (en castelán). 11 de agosto de 2023. Consultado o 31 de xaneiro de 2024.
- ↑ "O Dépor ata a Luis Quintero até final de temporada". Deportivo da Coruña. 31 de xaneiro de 2024. Consultado o 31 de xaneiro de 2024.
- ↑ "Luis Quintero: «Confío en mi talento»" (en castelán). 1 de febreiro de 2024. Consultado o 1 de febreiro de 2024.
- ↑ "El joven Luis Eduardo Quintero, cedido por el Villarreal, nuevo jugador azul" (en castelán). 6 de xullo de 2024. Consultado o 2 de setembro de 2024.
- ↑ "Luis Quintero: "Mi prioridad ha sido estar con la Selección Colombia, la verdad es un privilegio"" (en castelán). 7 de xuño de 2022. Consultado o 31 de xaneiro de 2024.
- ↑ Cavero Olivera, David (30 de decembro de 2022). "Luis Quintero, el jugador del Villarreal por el que suspiran España y Colombia" (en castelán). Consultado o 31 de xaneiro de 2024.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en LaPreferente.com (en castelán).
| Control de autoridades |
|
|---|
