Saltar ao contido

George Carpenter Miles

Na Galipedia, a Wikipedia en galego.
Modelo:BiografíaGeorge Carpenter Miles
Biografía
Nacemento30 de setembro de 1904
St. Davids, Estados Unidos de América (en) Traducir Editar o valor en Wikidata
Morte15 de outubro de 1975 (71 anos)
Nova York
Estados Unidos de América Estados Unidos
Causa da mortecancro Editar o valor en Wikidata
País de nacionalidadeEstadounidense.
Educación Universidade de Princeton.
Q89547790Estudos de moeda islámica.
Actividade
Campo de traballoNumismática.
Ocupaciónnumismático, escritor, profesor universitario, orientalista Editar o valor en Wikidata
EmpregadorUniversidade de Princeton Editar o valor en Wikidata
Membro de
Carreira militar
Conflitosegunda guerra mundial Editar o valor en Wikidata
Familia
CónxuxeEleanor Briggs (1937). Editar o valor en Wikidata
Premios
- (1949): Medalla Huntington (ANS).
- (1957): Medalla da RNS.

George Carpenter Miles, nado o 30 de setembro de 1904 en Saint Davids, condado de Delaware, Pensilvania, e finado o 15 de outubro de 1975 en Nova York, foi un numismático estadounidense especializado na moeda do mundo islámico.[1]

Traxectoria

[editar | editar a fonte]

Miles graduouse en Lingua Inglesa na Universidade de Princeton en 1926 e, logo dun período de cinco anos como profesor de inglés no Robert College, de Istambul, regresou a Princeton para acadar primeiro o mestrado, en 1930, e posteriormente o seu doutoramento, en 1937,[2][3] baixo a dirección de Philip Hitti,[4] coa tese The Numismatic History of Ravy, que se converteu na súa primeira publicación.[5][6][7]

A súa carreira numismática transcorreu estreitamente vinculado á American Numismatic Society (ANS), na que ingresou en outubro de 1937. Logo dunha paréntese para se dedicar á docencia na Universidade de Princeton e para servir na Mariña Estadounidense como comandante, destinado en Turquía e na India, durante a segunda guerra mundial, en 1946 retornou á ANS como investigador axudante de numismática do mundo musulmán, e encargouse do estudo da importante colección de moedas doada por Archer M. Huntington á Hispanic Society of America. En 1954 sucedeu a Sydney P. Noe no posto de conservador xefe da ANS e en 1966 foi nomeado director executivo da Sociedade, posto que ocupou ata o seu retiro en 1972, compaxinándoo co de secretario entre 1966 e 1968.[2][3][4][5][8][9]

Paralelamente, entre 1956 e 1967 pasou catro tempadas na American School of Classical Studies de Atenas, como membro asociado, e a partir de 1961 en condición de membro do seu comité de dirección.[4]

Ademais da ANS, Miles formou parte doutras entidades académicas e asociativas, entre elas a American Philosophical Society, a American Oriental Society (vicepresidente en 1960-1961), a Comisión Internacional de Numismática (1953) e o comité executivo da Encyclopaedia of Islam (1951).[4] Ademais, foi membro honorario da Sociedade Francesa de Numismática, da Sociedade Real de Numismática de Bélxica, da Royal Numismatic Society (Londres), do Institut d'Egypte (O Cairo) e da Real Academia de la Historia (Madrid).[8][9]

George Carpenter Milles morreu no hospital Columbia-Presbyterian Medical Center, en Nova York o 15 de outubro de 1975, como consecuencia do cancro que padecía.[2][3][4]

Vida persoal

[editar | editar a fonte]

Miles casou en 1937 con Eleanor Briggs, con quen tivo unha filla chamada Marian.[2][4]

Recoñecementos

[editar | editar a fonte]

En 1976, Miles foi obxecto da publicación dun libro na súa homenaxe, dirixido por W. E. Metcalf, no que colaboran 48 autores procedentes de 14 países.[10]

Premios

[editar | editar a fonte]

Publicacións

[editar | editar a fonte]

Ao longo da súa traxectoria como investigador, Miles publicou 16 traballos monográficos e máis de 75 artigos en revistas especializadas do seu tempo.[8][13][14][15]

Monografías

[editar | editar a fonte]

Notas

[editar | editar a fonte]
  1. ↑ Who was who in America. Volume VI. Marquis Who's Who, 1976. Páxina 283. ISBN 9780837902074
  2. ↑ 2,0 2,1 2,2 2,3 "George Carpenter Miles". En Princeton Alumni Weekly. 17 de novembro de 1975. Páxinas 15-16.
  3. ↑ 3,0 3,1 3,2 Smith, P. (2012).
  4. ↑ 4,0 4,1 4,2 4,3 4,4 4,5 Merriam, J. G. (1976).
  5. ↑ 5,0 5,1 Thompson, M. E. (1975).
  6. ↑ Bacharach, J. L. (1976). Páxina 290.
  7. ↑ Ver (1938) en "Publicacións"
  8. ↑ 8,0 8,1 8,2 8,3 "Miles, George Carpenter, 1904-1975". American Numismatic Society.
  9. ↑ 9,0 9,1 Bacharach, J. L. (1976). Páxina 291.
  10. ↑ Metcalf, W. E. (1976). A Colloquium in Memory of George Carpenter Miles (1904-1976). American Numismatic Society, Nova York. ISBN 9780897220644
  11. ↑ "Recipients of the Huntington Medal Award". American Numismatic Society.
  12. ↑ "The Society’s Medal". Royal Numismatic Society.
  13. ↑ "Miles, George Carpenter 1904-1975 Arquivado 05 de agosto de 2021 en Wayback Machine.". Digital Library Numis.
  14. ↑ "Miles, George Carpenter 1904-1975". WorldCat Identities.
  15. ↑ Oman, G. (1977). Páxinas 36-39.

Véxase tamén

[editar | editar a fonte]

Bibliografía

[editar | editar a fonte]
Traído desde «https://gl.wikipedia.org/w/index.php?title=George_Carpenter_Miles&oldid=6768482»