Andrew Burnett

Andrew Burnett

Andrew Burnett (esquerda) en 2011
Biografía
Nacemento	23 de maio de 1952 Reino Unido
33º Presidente da Real Sociedade Numismática
2013 – 2018 ← Nicholas Mayhew – Roger Bland →
Director de museo
Datos persoais
País de nacionalidade	Británica
Educación	- Universidade de Oxford - Museo Británico
Q89547790	- Estudos de moeda da Antiga Roma. - Dirección do Departamento de Moedas e Medallas do Museo Británico
Actividade
Campo de traballo	Numismática e museística.
Ocupación	conservador, numismático
Empregador	Museo Británico
Premios
- (1978-1987-1991): Premio Lhotka. - (1993) Medalla da Royal Numismatic Society. - (2006): Premio Ya’akov Meshorer (Museo de Israel). - (2007) Medalla Huntington (ANS. - (2012): Comendador da Orde do Imperio Británico. - (2016): Membro honorífico da SRNB - (2020): Premio Derek Allen (BA).
Lista  Compañeiro da Sociedade de Anticuarios de Londres  Membro da Academia Británica  Comandante da Orde do Imperio Británico
Membro de: Academia Británica. Sociedade de Anticuarios de Londres. Real Sociedade de Numismática Sociedade Real de Numismática de Bélxica.

Andrew Michael Burnett, nado o 23 de maio de 1952, é un numismático e conservador museístico británico especializado na moeda da Antiga Roma.

Burnett graduouse na Universidade de Oxford e formouse tamén no Instituto de Arqueoloxía da Universidade de Londres.

Burnett dirixiu o Museo Británico desde 2003 ata 2013, e anteriormente fora conservador do Departamento de Moedas e Medallas desta institución entre 1992 e 2003.

En 2013 foi elixido presidente da Real Sociedade de Numismática, de Londres, cargo que ocupou ata 2018.

Recoñecementos

O 6 de maio de 1982, Burnett foi elixido membro da prestixiosa Sociedade de Anticuarios de Londres e un ano máis tarde, en 2003, da Academia Británica, que é a academia do Reino Unido para as humanidades e as ciencias sociais.

En 2012 recibiu o nomeamento como Comendador da Orde do Imperio Británico "polos seus servizos ao Museo Británico e á numismática".

En 2006 outorgóuselle o premio Ya’akov Meshorer, do Museo de Israel, en Xerusalén.

En 1993 recibiu a medalla da Royal Numismatic Society. Desa mesma entidade xa recibira o premio Lhotka nas edicións de 1978, 1987 e 1991.

En 2020 foi galardoado co premio Derek Allen, da Academia Británica, "pola súa salientable contribución ao desenvolvemento do estudo das cuñaxes do Imperio Romano e unha carreira de servizo público".

Burnett é profesor honorario de arqueoloxía da universidade pública londiniense University College London.

En 2016 foi elixido membro honorífico da Real Sociedade Numismática de Bélxica, con ocasión do 175 aniversario da institución.

Na súa honra publicouse ademais un Festschrift académico en 2015, que foi editado por Roger Bland e Dario Calomino co título de Studies in Ancient Coinage in Honour of Andrew Burnett.

Publicacións numismáticas

Roman Provincial Coinage

Artigo principal: Roman Provincial Coinage.

Xunto con outros autores, participa no proxecto Roman Provincial Coinage, da Universidade de Oxford e apoiado polo Museo Británico e a Biblioteca Nacional de Francia, e do que foi editor xeral. Este proxecto estuda e cataloga as moedas provinciais romanas desde a morte de César ata o século II d. de C. Algúns dos seus volumes previstos (e os seus suplementos de actualización) están publicados e outros aínda en proceso, aínda que accesibles a través da web.

Estes son os volumes publicados da serie Roman Provincial Coinage coa participación de Burnett:

• (1992): The Roman Provincial Coinage. Vol. I. From the death of Caesar to the death of Vitellius (44 BC–AD 69). Con P. P. Ripollès e M. Amandry. Londres. ISBN 0 7141-0871-5
• (1999): Roman Provincial Coinage. Vol. II. From Vespasian to Domitian (AD 69–96). Con M. Amandry e I. Carradice. ISBN 978-0714108988
• (2015): Roman Provincial Coinage. Vol. III. From Nerva to Hadrian (AD 98–138). Con M. Amandry, W. Metcalf et al.
• (1998): Roman Provincial Coinage. Supplement 1. Con M. Amandry e P. P. Ripollès.
• (2006): Roman Provincial Coinage. Supplement 2. Con M. Amandry, P. P. Ripollès e I. Carradice. ISBN 978-84-690-5987-6. Texto en liña.
• (2014): Roman Provincial Coinage. Supplement 3. Con M. Amandry, P. P. Ripollès, I. Carradice et al. American Numismatic Society. Nova York. ISBN 978-0-89722-333-1. Texto en liña
• (2015): Roman Provincial Coinage. Consolidated supplement I-III. Con M. Amandry, A. Burnett, I. Carradice et al. General Editors. ISBN 978-1-910807-06-4. Texto en liña.
• (2017): Roman Provincial Coinage. Supplement 4. Con M. Amandry, A. Burnett et al. Texto en liña.

Coin Hoards from Roman Britain

Andrew Burnett foi tamén autor e editor dalgúns volumes da serie Coin Hoards from Roman Britain, publicada polo Museo Británico, na que se catalogan e se analizan os achados de moedas romanas nas Illas británicas. Estes son os volumes da serie que contaron coa súa participación:

• (1979): Coin Hoards from Roman Britain. Vol. 1. Con R. A. G. Carson. ISBN 9780861590049
• (1981): Coin Hoards from Roman Britain. Vol. 2. ISBN 9780861590315
• (1984): Coin Hoards from Roman Britain. Vol. 4. ISBN 9780861590438
• (1984): Coin Hoards from Roman Britain. Vol. 5. ISBN 9780861590490
• (1986): Coin Hoards from Roman Britain. Vol. 6. Con R. F. Bland. ISBN 9780861590582
• (1987): Coin Hoards from Roman Britain. Vol. 7. ISBN 9780861590599
• (1988): Coin Hoards from Roman Britain. Vol. 8. The Normanby hoard and other Roman coin hoards. Con R. F. Bland. ISBN 9780714108704

Outras obras

Ademais dun bo número de artigos publicados fundamentalmente en revistas do ámbito numismático, Burnett é autor de diversas monografías, entre as que se poden destacar as seguintes:

• (1977): The coins of late antiquity AD 400-700. British Museum. Londres. ISBN 9780714100678
• (1981): Coin hoards from Roman Britain. Vol. 2. British Museum. Londres. Con R. A. G. Carson. ISBN 9780861590315
• (1987): The Coinage of the Roman world in the Late Republic : Proceedings of a colloquium held at the British museum in September 1985. Bar Publishing. Oxford. Con M. H. Crawford. ISBN 9780860544203
• (1987): Coinage in the Roman world. Spink & Son Ltd. Londres. ISBN 978-0900652844
• (1998): Coins of Macedonia and Rome: essays in honour of Charles Hersh. Spink. Londres. Con R. Witschonke et al. ISBN 9781902040028
• (1991). Coins (Interpreting the Past). University of California Press. Berkeley. ISBN 978-0520076280
• (1991): La numismatique romaine. De la République au Haut-Empire. Ed. Errance. ISBN 978-2903442699
• (2001): Behind the scenes at the British Museum. British Museum Press. Londres. Con J. Reeve. ISBN 978-0714121963
• (2005): Coinage and Identity in the Roman Provinces. Oxford University Press. Con C. Hougego e V. Heuchert.
• (2017): Roman coins, money, and society in Elizabethan England : Sir Thomas Smith's On the wages of the Roman footsoldier. American Numismatic Society. Nova York. Con R. Simpson et al. ISBN 9780897223522
• (2018): Coins of the Roman revolution (49BC-AD14) : evidence without hindsight. Classical Press of Wales. Con A. Powel. ISBN 9781910589762

Véxase tamén

Outros artigos

• Departamento de Moedas e Medallas do Museo Británico

Ligazóns externas

• 2016 Salton lecture by Dr Andrew Burnet. American Numismatic Society.
• Medalla da British Art Medal Society dedicada a Andreu Barnett Arquivado 20 de febreiro de 2019 en Wayback Machine.

Predecesor: Nicholas Mayhew

Presidente da Royal Numismatic Society 2013 - 2018

Sucesor: Roger Bland