François de Callataÿ
.jpg){kind=spacer} François de Callataÿ en 2011 | |
| Biografía | |
|---|---|
| Nacemento | 13 de xuño de 1961 Uccle, Bélxica (pt)   |
| País de nacionalidade | Belga. |
| Educación | Universidade Católica de Lovaina. |
| Q89547790 | Estudos de numismática da Antiga Grecia. |
| Actividade | |
| Campo de traballo | Numismática e arqueoloxía. |
| Ocupación | conservador, historiador da arte, historiador, arqueólogo |
| Membro de | |
| Influencias | |
| Premios | |
| - 1998: Premio Bordín, do IF. - 1998: Premio da SRNB. - 1999: Premio Victor Tourneur, da RAB. - 2004: Premio Engel, da AIBL. - 2006: Premio Jeton de Vermeil, da SFN. - 2006: Medalla Huntington da ANS. - 2007: Premio da Fundación Francqui. - 2008: Comendador da Orde de Leopoldo II. - 2021: Medalla da RNS. | |
Lista
| |
François de Callataÿ, nado na vila de Uccle, na rexión de Bruxelas-Capital, o 13 de xuño de 1961, é un historiador da arte, arqueólogo e numismático belga especializado na moeda e na historia monetaria da Antiga Grecia, en particular da época helenística.[1][2]
Callataÿ é profesor na Universidade Libre de Bruxelas e director de estudos da Escola Práctica de Altos Estudos de París.[1][2]
Traxectoria
[editar | editar a fonte]François de Callataÿ foi alumno do colexio de Saint-Pierre d'Uccle e posteriormente realizou os seus estudos universitarios de Historia, Arqueoloxía e Filosofía na Universidade Católica de Lovaina (1979-1983), onde, co impulso do arqueólogo e historiador da arte Tony Hackens, se especializou en numismática grega. A súa memoria de licenciatura (1983) versou sobre as emisións monetarias de Alexandre o Grande e a súa tese de doutoramento (1988) sobre as cuñaxes de moeda póntica relacionadas coas campañas militares de Mitrídates VI Eupator, rei do Ponto.[1][2]
Logo de pasar unha estadía de investigación dun ano (1984-1985) na Escola Francesa de Atenas, en Grecia, como bolseiro da Comunidade Francesa de Bélxica, de camiño acadou a condición de aspirante ao Fondo Nacional de Investigación Científica (1985-1989) e posteriormente a acreditación como investigador (1989-1991).[1][2]
En outono de 1991 ingresou no Gabinete de Medallas da Biblioteca Real de Bélxica, a cuxa dirección accedeu só cinco anos despois (1996-2007). Entre 1997 e 2006, foi nomeado ademais xefe do departamento que agrupa todos os gabinetes museolóxicos da institución (coleccións nacionais de manuscritos, de gravados, e de moedas e medallas). Entre 2006 e 2013, a área baixo a súa dirección ampliouse ao conxunto de todas as coleccións patrimoniais da Biblioteca Real, o que incluía ademais as obras impresas raras, os planos e mapas antigos, e a música. Callataÿ é membro do consello de dirección e do consello científico da institución.[1][2]
Desde 1998, François de Callataÿ é profesor de Historia Monetaria e Financeira do Mundo Grego na Universidade Libre de Bruxelas, ao mesmo tempo que ocupa o posto de director de estudos da cuarta sección da Escola Práctica de Altos Estudos (Sorbona, París) onde sucedeu a Georges Le Rider. A partir de 2008 é tamén profesor de Cuestións Socioeconómicas da Antigüidade.[1][2][3][4]
Callataÿ foi invitado a un ciclo de conferencias no Collège de France en 1994, é membro do Instituto de Estudos Avanzados de Princeton desde 2001, foi dúas veces (1995 e 2003) profesor visitante da American Numismatic Society, de Nova york, e unha vez na University of Victoria, en Australia (2015).[1][5]
En 2017 foi elixido presidente da Sociedade Real de Numismática de Bélxica, e desde ese mesmo ano ocupa o posto de secretario do Consello Internacional de Numismática.[1][6]
As súas publicacións (unha ducia de libros e unha gran cantidade de artigos en revistas de máis de 20 países), acerca, sobre todo, da moeda da Antiga Grecia, fixérono merecedor do ingreso en diversas institucións académicas e da recepción dun bo número de premios e medallas.[1][2]
Academias ás que pertence
[editar | editar a fonte]- 1998: Académie royale d'archéologie et d'histoire de l'art de Belgique.[1][2]
- 2005: Académie royale des sciences, des lettres et des beaux-arts de Belgique.[1][2]
- 2009: Académie des inscriptions et belles-lettres, de París.[1][2][7]
- 2010: Academia Europaea.[1][2]
Recoñecementos
[editar | editar a fonte]- 1992: Premio Colin Kraay.[1]
- 1998: Premio Bordin, da Académie des Inscriptions et Belles-Lettres.[8]
- 1998: Premio da Sociedade Real de Numismática de Bélxica.[9]
- 1999: Premio Victor Tourneur, da Real Academia Belga.[2]
- 2004: Premio Engel, da Académie des inscriptions et belles-lettres.
- 2006: Jeton de Vermeil, da Sociedade Francesa de Numismática.[10]
- 2006: Medalla Huntington, da American Numismatic Society.[11]
- 2007: Premio Francqui, da Fundación Francqui.[1][2]
- 2008: Comendador da Orde de Leopoldo II.[1][2]
- 2016: Membro honorario da Sociedade Catalá de Estudos Numismáticos.[1]
- 2021: Medalla da Royal Numismatic Society, de Londres.[12]
Publicacións
[editar | editar a fonte]Monografías
[editar | editar a fonte]- (1993): L'argent monnayé d'Alexandre le Grand à Auguste (con G. Depeyrot e L. Villaronga). Cercle d'Études Numismatiques. Nº 12. Bruxelas.[13]
- (1994): Les tétradrachmes d'Orodès II et de Phraate IV. Étude du rythme de leur production à la lumière d'une grosse trouvaille. Studia Iranica XIV. Association pour L'Avancement des Études Iraniennes. París.
- (1996): Les monnaies grecques et l'orientation des axes. Glaux 12. Ed. Ennerre. Milán.[14]
- (1997). L'histoire des guerres mithridatiques vue par les monnaies. Numismatica Lovaniensia 18. Louvain-la-Neuve.[15]
- (1997): Recueil quantitatif des émissions monétaires hellénistiques. Numismatique Romaine. Wetteren. ISBN 90-71165-06-X
- (1999): Greek and Roman coins from the du Chastel Collection. Coin Cabinet of the Royal Library of Belgium (con J. van Heesch). Londres. Spink and Son. ISBN 1-902040-23-6
- (2000): Conférence d'ouverture d'Histoire monétaire et financière du monde grec. París. Sorbonne. ISBN
- (2001): La monnaie grecque. París. Éllipses (con D. Gerin; M. Amandry e C. Grandjean). ISBN 2-7298-0846-9
- (2003): Recueil quantitatif des émissions monétaires archaïques et classiques. Numismatique Romaine. Wetteren. ISBN 90-74623-32-8
- (2004): The Coin of Coins (con H. Gitler). Israël Museum. Xerusalén. ISBN 965 278 300 5
- (2006): Quantifications et numismatique antique. Choix d’articles (1984-2004). Moneta. Nº 52. Wetteren. ISBN 90-77297-20-0
- (2006): Les Séleucides et les Ptolémées. L’héritage monétaire et financier d’Alexandre le Grand (con G. Le Rider). Ed. du Rocher. París. ISBN 2-268-05850-6
Notas
[editar | editar a fonte]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 "Callataÿ, François de". En Coins Weekly. 6 de abril de 2016.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 "François de Callataÿ". Foundation Francqui-Stichting [Versión en inglés] [Versión en francés]
- ↑ "François de Callataÿ". Université Libre de Bruxelles.
- ↑ "François de Callataÿ Arquivado 07 de xuño de 2020 en Wayback Machine.". École Practique des Hauts Études.
- ↑ "François De Callataÿ". Institute for Advanced Study.
- ↑ "Committee of the INC Arquivado 05 de xullo de 2018 en Wayback Machine.". No sitio web do CIN.
- ↑ "Callataÿ, François de Arquivado 07 de xuño de 2020 en Wayback Machine.". Académie des Inscriptions et Belles-Letres.
- ↑ "Prix Bordin Arquivado 25 de outubro de 2020 en Wayback Machine.". Académie des Inscriptions et Belles-Lettres.
- ↑ "François de Callataÿ". Foundation Francqui-Stichting.
- ↑ "Médaille et jeton de vermeil". Société Française de Numismatique (SFN).
- ↑ "Recipients of the Huntington Medal Award". American Numismatic Society.
- ↑ "François de Callataÿ receives medal of the Royal Numismatic Society". En Coins Weekly. 3 de xuño de 2021.
- ↑ Recensión deste libro. En Annales. Histoire, Sciences Sociales. 50-5. 1995. Páxinas 1.089-1.091.
- ↑ Recensión deste libro. En Schweizer Münzblätter, 48. 1998.
- ↑ Recensión deste libro. En Habis, 34. 1997. Páxinas 469-470.
Véxase tamén
[editar | editar a fonte]Ligazóns externas
[editar | editar a fonte]- Perfil de Callataÿ en Facebook
- Vídeo: conferencia "Rencontre avec François de Callataÿ". Acádemie Royale de Belgique: 1ª parte - 2ª parte.
- Nados en 1961
- Nados na rexión de Bruxelas-Capital
- Numismáticos de Bélxica
- Historiadores de Bélxica
- Arqueólogos de Bélxica
- Alumnos da Universidade Católica de Lovaina
- Profesores da Universidade Libre de Bruxelas
- Membros da Académie des inscriptions et belles-lettres
- Galardoados co Jeton de Vermeil
- Galardoados coa medalla Huntington
- Galardoados coa medalla da Royal Numismatic Society