Winter Classic 2025 (Auroraliiga)
| ||||||||||
| Data | 15 de febreiro de 2025 | |||||||||
|---|---|---|---|---|---|---|---|---|---|---|
| Pista | Koulukatu | |||||||||
| Cidade | Tampere | |||||||||
| ||||||||||
O Winter Classic 2025 é un partido de hóckey sobre xeo feminino ao aire libre que se disputará o día 15 de febreiro de 2025 na pista de xeo de Koulukatu de Tampere entre o Ilves de Tampere e o RoKi de Rovaniemi. O partido será valedoiro e formará parte do calendario da tempada 2024-25 da Auroraliiga, a máxima competición do hóckey sobre xeo feminino en Finlandia.
A sede
[editar | editar a fonte]- Artigo principal: Pista de xeo de Koulukatu.
O Winter Classic disputarase na mítica pista de xeo de Koulukatu de Tampere o 15 de febreiro de 2025.[1] A pista forma parte da historia do hóckey sobre xeo finlandés, xa que foi a primeira pista de xeo artificial construída en Finlandia na década de 1950. Koulukatu foi ademais a casa do Ilves Naiset durante case dúas décadas, ata que o equipo se trasladou ao Tesoman jäähalli, no oeste da cidade.[2]
Antecedentes
[editar | editar a fonte]Se ben o partido ao aire libre da máxima categoría do hóckey sobre xeo feminino finlandés disputarase por segunda tempada consecutiva na pista de pista de xeo de Koulukatu, anteriormente xa se xogaron outros clásicos de inverno en categoría feminina no mesmo escenario. O 28 de xaneiro de 2012, na daquela denominada Naisten SM-sarja, enfrontáronse as xogadoras do Ilves ás Espoo Blues no chamado Koulukarun lassikko.[3] Nesa ocasión o partido decantouse do lado do equipo local (3-1). As de Tampere foron superiores ao equipo de Espoo, como recoñeceu logo do partido a capitá visitante Essi Hallvar.[4]
Na edición precedente volveron enfrontarse o equipo de Tampere e o de Espoo,[a] os dous equipos máis laureados do hóckey sobre xeo feminino en Finlandia. Desta volta o equipo de Uusimaa acabou impoñéndose por 3-5.[5]
Programa do evento
[editar | editar a fonte]A xornada comezará ás 11:00 coa disputa do partido masculino entre os equipos Ilves U18 Akatemia e o TPS. A continuación xogarase o encontro da Auroraliga entre o Ilves e o RoKi, logo do cal se disputaron outros dous partidos masculinos entre os equipos do Ilves que compiten no campionato finlandés U16 e U18, os primeiros ás 17:00 fronte o HPK, mentres que os últimos pecharán a xornada ás 19:31 nun derby fronte o Tappara. Todos os partidos serán retransmitidos en streaming pola canle da Federación Finlandesa de Hóckey sobre Xeo Leijona-TV.[6]
Notas
[editar | editar a fonte]- ↑ O equipo de Espoo baixo a denominación Kiekko-Espoo.
- Referencias
- ↑ Seppä, Lassi (12 de decembro de 2024). "Koulukadun kentällä pelataan tälläkin kaudella − ulkojäillä on luvassa Auroraliigaa ja juniorikiekkoa". Jatkoaika.com (en finés). Consultado o 21 de decembro de 2024.
- ↑ Mennander, Pasi (13 de xaneiro de 2012). "SM-sarjakiekko palaa Tampereen Koulukadulle - Ulkojääottelu 28.1.2012!" (en finés). Leijonat.fi. Consultado o 20 de xaneiro de 2024.
- ↑ "Naisten SM-sarjaa: Koulukarun Lassikko la 28.1.2012" (en finés). Ilves Hockey. 23 de xaneiro de 2012. Consultado o 20 de xaeiro de 2024.
- ↑ Mennander, Pasi (29 de xaneiro de 2012). "Ilves vei Koulukarun lassikon - Upea ilma kruunasi hienon tapahtuman" (en finés). Leijonat.fi. Consultado o 20 de xaneiro de 2024.
- ↑ Teiskonlahti, Kirsi (3 de febreiro de 2024). "Ilves vei huippupelin Koulukadulle – Tältä paluu legendaariseen ympäristöön näytti". Aamulehti (en finés). Consultado o 21 de decembro de 2024.
- ↑ "Mainos Winter Classic ottelutapahtumaan?" (PDF) (en finés). WinterClassic.fi. Consultado o 21 de decembro de 2024.
Véxase tamén
[editar | editar a fonte]Ligazóns exterrnas
[editar | editar a fonte]- Sitio web do evento (en finés)
