Bandeira de Moldova

Bandeira de Moldova
Características
Uso	...
Proporción	1:2
Adopción	27 de abril de 1990
Cores	Azul     Amarelo     Vermello

A bandeira de Moldova (en romanés: Drapelul Republicii Moldova) foi adoptada o 12 de maio de 1990 (antes de proclamarse independente o 27 de agosto de 1991).

Deseño

A bandeira de Moldova é tricolor de franxas verticais coas cores azul (xunto ao mastro), amarelo (no centro) e vermello (no exterior). No medio da franxa central, sitúase o escudo nacional (unha aguia suxeitando un escudo coa imaxe dun uro) para distinguila da bandeira de Romanía, que ten os mesmos cores. Até a segunda guerra mundial, Moldova formaba parte de Romanía, e comparte con este idioma e cultura, de aí a similitude das bandeiras.

Construción da bandeira

Sistema de cor	Azul	Amarelo	Vermello	Marrón	Verde
Pantone	293c	109c	186c	4645c	3415c
CMYK	97.81.0.0	1.15.100.0	13.100.90.4	28.15.68.7	100.26.86.14
RGB	0-70-174	255-210-0	204-9-47	176-126-91	0-122-80
HTML	#0046AE	#FFD200	#CC092F	#B07E5B	#007A50

Diferenza anverso-reverso

Xunto coas bandeiras de Paraguai e México, a de Moldova é unha das poucas bandeiras nacionais con anverso e reverso diferentes. Aínda que a lei indica que o reverso da bandeira de Moldova non debe conter o escudo de armas, é habitual atopar bandeiras co anverso e reverso iguais. Até 2010 o deseño da bandeira era o seguinte:

• 
  Anverso (até 2010)
• 
  Reverso (até 2010)

O deseño actual do anverso e reverso do pavillón moldovo é o seguinte:

• 
  Anverso
• 
  Reverso

Bandeiras históricas

Antes da bandeira actual, durante a etapa da República Socialista Soviética de Moldova, usábase unha bandeira vermella cunha fouce e un martelo dourados na esquina superior de lado da hasta, cunha franxa horizontal de cor verde no centro, que foi adoptada o 31 de xaneiro de 1952.

Antes desta, a bandeira era vermella coa fouce e o martelo dourados, e cos caracteres РССМ (RSSM en cirílico) escritos tamén en dourado baixo estes.

• 
  Bandeira da R.D. de Moldova (1917)
• 
  Bandeira do Congreso Moldovo (1917)
• 
  Bandeira da RSSA de Moldova (1924-1952)
• 
  Bandeira da RSS de Moldova (1952-1990)

Outras bandeiras

• 
  2:3 Forzas armadas
• 
  1:1 Presidente
• 
  1:1 Presidente do Parlamento
• 
  1:1 Primeiro Ministro
• 
  1:2 Ministro de Defensa (temporal)
• 
  2:3 Garda fronteiriza

Véxase tamén

Ligazóns externas

• Moldova en Flags of the World (en inglés)