Lista de accidentes aéreos

Esta é unha listaxe dos accidentes de aviación máis importantes da historia. Só o do voo 118 de Aviaco, producido o 13 de agosto de 1973 no aeroporto de Alvedro, tivo lugar en Galicia e produciu vítimas. Ademais, o accidente de Peinador de 1994 tamén está recollido na lista aínda sen producírense vítimas.

Na listaxe inclúense tamén atentados terroristas producidos contra avións.

Data	Voo	Lugar	Mortos	Peculiaridade
7 de abril de 1922	Dúas aeronaves baten en voo	Sobre Picardía (Francia)	7	A primeira colisión de dous avións no aire.
5 de outubro de 1930	Accidente do voo R101	París	48
10 de outubro de 1933	Un boeing estoura pola acción dunha bomba	Chesterton, Indiana (EUA)	8	O primeiro atentado contra un avión
6 de maio de 1937	O cepelín Hindenburg arde cando tenta aterrar	Nova Jersey	36	O maior dos accidentes dun cepelín
1 de xuño de 1943	A Luftwaffe derruba un Douglas DC-3 comercial británico	Golfo de Biscaia	22	No ataque falece o actor Leslie Howard
12 de agosto de 1947	O británico Star Dust desaparece e emite un estraño código STENDEC	Andes	13	O avión non foi localizado ata o ano 2000
24 de outubro de 1947	O voo 608 da United Airlines incéndiase no aire	Aeroporto Bryce Canyon (Utah)	52
17 de xullo de 1948	secuestro do Miss Macao entre Hong-Kong e Macau, para roubar	Río das Perlas (China)	25	O primeiro secuestro aéreo; o accidente produciuse logo dos ladróns asaltaren o piloto
20 de outubro de 1940	Accidente do Constellation neerlandés	Prestwick (Escocia)	40
4 de maio de 1949	Accidente de Superga	Turín	31	Entre os falecidos, 18 xogadores do Torino FC
1 de novembro de 1949	Accidente no aire entre o voo 537 da Eastern Air Lines e un pequeno lockheed	Aeroporto de Washington	54
24 de xuño de 1950	O voo 2501 da Northwest Orient Airlines desaparece no aire	lago Michigan	58
27 de xullo de 1955	Ataque ao voo 402 de El Al	Bulgaria	58	O avión israelí procedente de Viena invadiu o espazo aéreo búlgaro e foi derrubado por dous cazas.
6 de outubro de 1955	O voo 409 da United Airlines esnáfrase contra unhas montañas	Centennial, Wyoming	66
30 de xuño de 1956	Choque do Gran Canón entre un voo da United Airlines e outro da TWA	Gran Canón		O primeiro accidente con máis de 100 vítimas
6 de febreiro de 1958	O accidente de Múnic, na engalaxe dun pequeno ambassador	Aeroporto de Múnic-Riem	24	Entre os falecidos estaban oito xogadores do Manchester United
14 de agosto de 1958	O accidente de Shannon dun lockheed da KLM	Aeroporto de Shannon (Irlanda)	99	Entre os falecidos, seis integrantes do equipo exipcio de esgrima
16 de decembro de 1960	O choque de Nova York entre un voo da United Airlines e outro da TWA	Illa Staten (Nova York)	134
15 de febreiro de 1961	O voo 548 de Sabena, un boeing 707, esnáfrase ao aterrar	Bruxelas	73	Falece o equipo estadounidense de patinaxe artística
4 de marzo de 1962	O voo 153 de Caledonian Airways, un DC-7, esnáfrase na selva	Douala, Camerún	111
16 de marzo de 1962	O voo 739 de Flying Tiger desaparece no océano Pacífico	océano Pacífico	101	O avión transportaba 96 soldados estadounidenses cara a Vietnam
3 de xuño de 1962	O voo Château de Sully esnáfrase ao engalar en París	Aeroporto de Orly	130
29 de novembro de 1963	O voo 831 de Trans-Canada esnáfrase logo de engalar	Aeroporto de Montreal	118
20 de maio de 1965	O voo 705 de Pakistan International esnáfrase ao achegarse ao Cairo	O Cairo	119
4 de febreiro de 1966	O voo 60 de All Nippon Airways esnáfrase vindo de Sapporo	Baía de Toquio	133
5 de marzo de 1966	No accidente do Monte Fuji esnáfrase un boeing da British Overseas	Monte Fuji	124
15 de febreiro de 1970	O accidente do DC-9 da Dominicana prodúcese polo emprego de combustíbel fraudulento	Aeroporto Internacional das Américas (Santo Domingo)	102
5 de xullo de 1970	O voo 621 de Air Canada estoura despois dun intento de aterraxe	Aeroporto de Toronto	109
9 de agosto de 1970	O voo 502 de LANSA esnáfrase despois de engalar	Cuzco	101
14 de novembro de 1970	O accidente de Huntington sófreo un DC-9 da Southern Airways	Aeroporto Tri-State Huntington, (Virxinia Occidental)	75	Falece o equipo enteiro de fútbol americano da Universidade de Marshall
30 de xullo de 1971	O voo 58 da All Nippon choca un caza de combate xaponés	Shizukuishi	162	O piloto do caza saltou en paracaídas pouco antes do impacto e foi arrestado.
24 de decembro de 1971	O voo 508 da LANSA fendeu no aire e caeu sobre a selva	Selva amazónica do Perú	91	Sobreviviu unha soa rapaza, que conseguiu camiñar pola selva durante dez días ata que a atoparon.
18 de xuño de 1972	O accidente de Staines do voo 548 da British European	Staines (Reino Unido)	118	Produciuse logo de varios estois consecutivos, por erro do piloto.
13 de outubro de 1972	O accidente dos Andes afectou un avión da forza aérea uruguaia	Andes	29	Sobre a peripecia dos 16 sobreviventes rodouse o filme Viven: o milagre dos Andes.
29 de decembro de 1972	O voo 401 de Eastern Air Lines despistouse cunhas luces e esnafrouse nos Everglades	Florida	103	73 sobreviventes.
21 de febreiro de 1973	O voo 114 de Libyan Arab Air Lines foi derrubado por cazas israelís ao invadir espazo aéreo	Península do Sinaí	108
11 de xullo de 1973	O voo 820 de Varig incendiouse en voo	París	123
13 de agosto de 1973	O voo 118 de Aviaco accidentouse en Montrove cando ía de Madrid á Coruña	A Coruña	85	O único accidente de importancia sucedido en Galicia. A causa foi a brétema
17 de decembro de 1973	O ataque contra o avión da Pan Am por terroristas palestinos	Roma	33	O ataque produciuse contra o avión cando se acababa de embarcar. Despois os terroristas secuestraron un boeing da Lufthansa e fuxiron a Atenas
3 de marzo de 1974	O accidente de Ermenonville no voo 981 da Turkish Airlines	Senlis (Francia	346
8 de setembro de 1974	O atentado contra o voo 841 da TWA derrubou este avión	Mar Xónico	88	A bomba estaba situada na zona de carga
24 de xuño de 1975	O voo 66 da Eastern Air Lines esnafrouse ao tentar aterrar	Aeroporto John Fitzgerald Kennedy	112
15 de agosto de 1976	O pequeno Vickers Viscount (voo 232 da SAETA) desaparece en voo	Monte Chimborazo, Ecuador	59	Os restos non foron atopados ata 2002
10 de setembro de 1976	No accidente de Zagreb bateron un avión da British Airways e outro da Inex-Adria	Zagreb	176
6 de outubro de 1976	O atentado das Barbados derrubou en voo un avión da Cubana de Aviación	Aeroporto John Fitzgerald Kennedy	73	O atentado cometérono terroristas anticastristas
27 de marzo de 1977	No accidente de Los Rodeos bateron un avión da KLM e outro da Pan Am	Aeroporto de Los Rodeos (Tenerife)	583	O maior número de vítimas dun accidente aéreo
19 de novembro de 1977	O voo 425 de TAP Portugal saíuse de pista en Madeira	Madeira	131
4 de decembro de 1977	O voo 653 das Malaysia Airlines foi secuestrado e logo accidentouse	Tanjung Kupang, Malaísia	100
1 de xaneiro de 1978	O voo 855 de Air India caeu ao mar	Mar de Arabia	213	Erro técnico e humano
26 de xuño de 1978	O voo 189 de Air Canada esnafrouse na engalaxe	Toronto	107	Problema nos pneumáticos
25 de setembro de 1978	O voo 182 da PSA bateu en voo cun Cessna	San Diego (California)	135
15 de novembro de 1978	O voo LL 001 da Loftleidir esnafrouse nunha plantación de cocos	Katunayake (Sri Lanka)	184	Ía facer unha aterraxe para recargar combustíbel
25 de maio de 1979	O voo 191 de American Airlines esnafrouse na engalaxe	Aeroporto de O'Hare (Chicago)	271
26 de novembro de 1979	O voo 740 da Pakistan International Airlines incendiouse en voo	Jeddah, Arabia Saudita	156
28 de novembro de 1979	O accidente do monte Erebus afectou un DC-10 de Air New Zealand	Monte Erebus (Antártida)	257	O avión golpeou contra o monte mentres facía un voo turístico
19 de agosto de 1980	O accidente de Riad produciuse logo do incendio do voo 163 da Saudi Arabian	Riad	301	Logo do incendio, o avión aterrou, pero non foi desaloxado a tempo.
22 de agosto de 1981	O voo 103 da Far Eastern Air Transport desintegrouse no aire	Taipei	110
1 de decembro de 1981	O accidente de monte San Pietro produciuse ao bater un avión de Inex-Adria contra este monte	Ajaccio, Córsega	180
8 de xuño de 1982	O voo 168 da VASP esnafrouse ao achegarse ao destino	Fortaleza, Brasil	137
9 de xullo de 1982	O voo 759 da Pan Am esnafrouse xusto despois da engalaxe	Kenner, Louisiana	145
1 de setembro de 1983	No incidente das Sakhalin o exército soviético derrubou un avión comercial coreano	Illa Sakhalin	269	Baixo a acusación de invadir espazo aéreo soviético
23 de setembro de 1983	O atentado da Gulf Air provoucouno unha bomba dos terroristas de Abú Nidal	Mina Jebel Ali, EAU	117	Estourou en pleno voo
27 de novembro de 1983	O voo 11 de Avianca bateu cun outeiro ao tentar aterrar	Mejorada del Campo	181	Erro de navegación ao facer unha parada técnica en Barajas
19 de febreiro de 1985	O accidente de Sondika produciuse ao achegarse un voo de Iberia ao aeroporto	Bilbao	148	Na brétema, bateu cun repetidor de televisión, estourou e esnafrouse contra un monte
23 de xuño de 1985	O atentado de Air india foi provocado por unha bomba de terroristas sikhs	Mar de Irlanda	329
2 de agosto de 1985	O voo 191 de Delta Air Lines esnafrouse ao achegarse ao aeroporto	Aeroporto de Dallas	134	As causas atribuíronselle a unha treboada
12 de agosto de 1985	O accidente do monte Osutaka tivo como vítima un boeing 747 de Japan Air Lines	Monte Osutaka, Xapón	520	O peor accidente da historia cun único avión implicado.
31 de marzo de 1986	O voo 940 de Mexicana caeu a terra	Maravatío, México	167
9 de maio de 1987	O voo 5055 de LOT tentaba aterrar logo de sufrir problemas técnicos	Varsovia	183
16 de agosto de 1987	O voo 255 de Northwest Airlines esnafrouse por un erro na engalaxe	Detroit	155	Sobreviviu unha nena de catro anos
28 de novembro de 1987	O voo 295 da South African Airways esnafrouse logo dun incendio no maleteiro	Océano Índico	159
29 de novembro de 1987	O atentado da Korean Air derrubou un boeing 707 cunha bomba	Mar de Andaman	115
17 de marzo de 1988	O voo 410 de Avianca esnafrouse logo da engalaxe por un erro humano	Cúcuta, Colombia	142
3 de xullo de 1988	O ataque á Iran Air derrubou un airbus A300 cun mísil estadounidense	Dubai	290
19 de outubro de 1988	O voo 113 da Indian Airlines errou na aterraxe por 8 km.	Ahemadabad, India	130
21 de decembro de 1988	O atentado de Lockerbie desintegrou un boeing 747 da Pan Am	Lockerbie, Escocia	270	Do atentado foron acusados e xulgados culpables terroristas libios
8 de febreiro de 1989	O voo 1851 da Independent Air esnafrouse contra un monte ao achegarse ao aeroporto	Santa María, Azores	144	Do atentado foron acusados e xulgados culpables terroristas libios
7 de xuño de 1989	O voo 764 de Surinam Airways estrelouse nas proximidades do Aeroporto Internacional Johan Adolf Pengel	Paramaribo, Suriname	176	A causa foi un erro da tripulación.
19 de xullo de 1989	O voo 232 da United Airlines esnafrouse logo de sufrir problemas técnicos	Sioux City, Iowa	111	Do atentado foron acusados e xulgados culpables terroristas libios
19 de setembro de 1989	O atentado á UTA desintegrou un DC-10 da UTA	Deserto do Sáhara	170	As pescudas sobre a autoría levaron ata un cuñado de Muammar Gaddafi
27 de novembro de 1989	O atentado a Avianca fixo estourar un boeing 727 desta compañía	Colombia	107	O atentado foi reivindicado polo cártel de Medellín
26 de maio de 1991	O voo 004 da Lauda Air desintegrouse no medio do aire	Uthai Thani, Tailandia	223	O accidente produciuse por problemas técnicos
11 de xullo de 1991	O voo 2120 de Nigeria Airways incendiou cando levaba peregrinos á Meca	Jeddah, Arabia Saudita	261	O lume comezou nos pneumáticos
31 de xullo de 1992	O voo 311 da Thai Airways esnafrouse cando tenta aterrar no Nepal	Catmandú, Nepal	111
28 de setembro de 1992	O voo 268 da Pakistan International Airlines esnafrouse tamén no Nepal	Catmandú, Nepal	167
19 de maio de 1993	O voo 505 da SAM Colombia esnafrouse cando aterraba en Medellín	Monte Páramo de Frontino, Colombia	132	Sumáronse erros humanos, técnicos e a sabotaxe de elementos de navegación por parte de terroristas.
21-23 de setembro de 1993	Os ataques de Tbilisi derrubaron tres avións xeorxianos que saían e entraban do sitio da cidade	Tbilisi, Xeorxia	134	O ataque máis grave foi o día 22, cando derrubaron un Tupolev que saía con 132 persoas a bordo, das que faleceron 106
21 de marzo de 1994	O accidente de Peinador produciuse ao aterrar un DC-9 antes de tocar a pista.	Aeroporto de Peinador	0	O segundo accidente máis importante da historia de Galicia
26 de abril de 1994	O voo 140 de China Airlines esnafrouse ao aterrar no Xapón	Nagoia, Xapón	264	Debeuse a un erro humano
8 de setembro de 1994	O voo 427 de USAir esnafrouse ao aterrar	Pittsburgh, Pensilvania	133
18 de decembro de 1995	O accidente de Jamba produciuse despois da engalaxe	Jamba, Angola	141	O avión ía sobrecargado
20 de decembro de 1995	O voo 965 da American Airlines esnafrouse contra un monte ao achegarse para destino	Santiago de Cali, Colombia	160	Sobreviviron catro persoas e un can
8 de xaneiro de 1996	O accidente do mercado de Kinshasa produciuse ao caer un Antonov sobre unha feira	Kinshasa RD Congo	297	O avión ía sobrecargado
6 de febreiro de 1996	O voo 301 da Birgenair caeu ao mar Caribe	San Felipe de Puerto Plata, República Dominicana	189
29 de febreiro de 1996	O voo 255 da Faucett esnafrouse contra un monte ao achegarse a aterrar	Arequipa, Perú	123
11 de maio de 1996	O voo 592 de Valujet caeu sobre os Everglades	Florida	110	Produciuse un incendio na carga.
17 de xuño de 1996	O voo 800 da TWA estourou en pleno voo na costa de Nova York	East Moriches, Estados Unidos	230
8 de xaneiro de 1996	O voo 2801 da Vnukovo Airlines esnafrouse contra un monte	Spitsbergen Noruega	141
12 de novembro de 1996	No choque de Charkhi Dadri bateron un avión saudita e outro casaco	Charkhi Dadri, India	349
23 de novembro de 1996	O voo 961 da Ethiopian Airlines foi secuestrado sobre Kenya e logo caeu ao mar	Moroni, Comores	123	O piloto tentou unha amaraxe de emerxencia ao voar sen combustíbel
23 de novembro de 1996	O voo 961 da Ethiopian Airlines foi secuestrado sobre Kenya e logo caeu ao mar	Moroni, Comores	123	O piloto tentou unha amaraxe de emerxencia ao voar sen combustíbel
6 de agosto de 1997	O voo 801 de Korean Air esnafrouse cando tentaba aterrar	Hagåtña, Guam	228	Tentaba aterrar durante unha forte choiva
26 de setembro de 1997	O voo 152 da Garuda Indonesia bateu contra un monte	Buah Nabar, Indonesia	234
19 de decembro de 1997	O voo 185 da SilkAir caeu de súpeto nun río	Palembang, Indonesia	102
2 de febreiro de 1998	O voo 387 da Cebu Pacific espetouse contra un monte	Pagalungan, Filipinas	104	O avión estaba a seguir unha ruta estraña despois dunha parada imprevista para deixar en terra dous mecánicos
16 de febreiro de 1998	O voo 676 da China Airlines caeu sobre unha urbanización ao aterrar	Taipei, Taiwán	202
2 de setembro de 1998	O voo 111 de Swissair caeu ao mar	Halifax, Canadá	229
11 de decembro de 1998	O voo 261 de Thai Airways esnafrouse en malas condicións climatolóxicas	Surat Thani, Tailandia	102
31 de outubro de 1999	O voo 990 de EgyptAir caeu ao mar ao pouco de engalar	Nantucket, Massachusetts	217
30 de xaneiro de 2000	O voo 431 de Kenya Airways caeu ao mar ao pouco de engalar	Abixán, Costa do Marfil	159
19 de abril de 2000	O voo 541 de Air Philippines esnafrouse contra un palmeiral cando quería aterrar	Davao del Norte, Filipinas	131
25 de xullo de 2000	O accidente do Concorde produciuse logo dun incendio cando o avión tentaba engalar	París	109	O modelo foi retirado de servizo despois deste accidente
23 de agosto de 2000	O voo 072 da Gulf Air caeu ao mar cando tentaba aterrar	Manama, Bahrain	151
11 de setembro de 2001	Os ataques do 11 de setembro esnafran dous avións contra as Torres Xemelgas de Nova York, un contra o Pentágono e un cuarto nun campo	Estados Unidos	± 3000	O número de vítimas mortais totais, incluída a xente que traballaba nas Torres e os bombeiros, é imposible de precisar, pero entre os catro avións 265 persoas.
8 de outubro de 2001	No choque de Milán bateron un avión da SAS e un pequeno cessna contra un edifico de xestión de equipaxes	Milán, Italia	118
12 de novembro de 2001	O accidente de Queens sucedeu ao caer un Airbus A300 sobre este barrio de Nova York	Queens, Nova York	256
15 de abril de 2002	O voo 129 de Air China esnafrouse contra un monte cando tentaba aterrar	Busán, Corea do Sur	128
7 de maio de 2002	O voo 6136 de China Northern Airlines esnafrouse logo dun incendio	Dalian, China	112	Un pasaxeiro plantoulle lume ao avión en voo con gasolina
25 de maio de 2002	O voo 611 de China Airlines desintegrouse debido á fatiga de materiais	Queens, Nova York	225
6 de marzo de 2003	O voo 6289 de Air Algerie saíuse de pista na engalaxe	Tamanrasset, Alxeria	102
25 de decembro de 2003	O accidente de Cotonou levou un boeing 727 saírse de pista logo da aterraxe e foi para o mar	Cotonou, Benín	151
3 de xaneiro de 2004	O voo 604 de Flash Airlines caeu ao Mar Vermello	Mar Vermello	148
24 de agosto de 2004	Os atentados aos tupolev fixeron estoupar dúas destas aeronaves rusas en voo	Rostov Oblast e Tula Oblast, Rusia	89
3 de febreiro de 2005	O voo 904 da Kam Air esnáfrase durante unha treboada de neve	Afganistán	104
14 de agosto de 2005	O voo 522 da Helios Airways esnáfrase en voo	Grammatico, Grecia	121
16 de agosto de 2005	O voo 708 da West Caribbean Airways esnáfrase en voo	Venezuela	160
5 de setembro de 2005	O voo 091 da Mandala Airlines esnáfrase ao aterrar	Medan, Indonesia	155
22 de outubro de 2005	O voo 210 da Bellview Airlines esnáfrase ao aterrar	Nixeria	117
10 de decembro de 2005	O voo 1145 de Sosoliso Airlines esnáfrase ao aterrar	Port Harcourt, Nixeria	110
3 de maio de 2006	O voo 967 da Armavia cae ao Mar Negro	Sochi, Rusia	113
9 de xullo de 2006	O voo 778 da S7 Airlines esnáfrase na aterraxe contra un valado de cemento	Irkutsk, Rusia	128
22 de agosto de 2006	O voo 612 da Pulkovo Aviation Enterprise esnáfrase na aterraxe	Donetsk, Ucraína	170
29 de setembro de 2006	No choque do Mato Grosso baten en voo un boeing 737 e un pequeno Embraer Legacy	Mato Grosso, Brasil	154	Non faleceu ningún dos pasaxeiros da avioneta
1 de xaneiro de 2007	O voo 574 da Adam Air cae ao mar	Célebes, Indonesia	102
5 de maio de 2007	O voo 507 de Kenya Airways esnáfrase na aterraxe	Douala, Camerún	114
17 de xullo de 2007	O voo 3054 de TAM esvara na aterraxe e vai contra unha gasolineira	São Paulo, Brasil	199
20 de agosto de 2008	O voo 5022 de Spanair cae cando tentaba a engalaxe	Madrid	154
4 de novembro de 2008	A avioneta Learjet 45XR cae cando se achegaba ao aeroporto de Cidade de México	Madrid	14, entre eles o ministro de interior mexicano, o galego Juan Camilo Mouriño.
15 de xaneiro de 2009	O voo 1549 de US Airways aterra de emerxencia no río Hudson tras impactar cunha bandada de paxaros	Nova York	sobreviviron todos os ocupantes
1 de xuño de 2009	O voo 447 de Air France desaparece no océano Atlántico	Océano Atlántico	228
30 de xuño de 2009	O voo 626 de Yemenia estréllase no océano Índico	Océano Índico	152
15 de xullo de 2009	O voo 7908 de Caspian Airlines esnáfrase 16 minutos despois de engalar	Preto de Qazvin, Irán	168
25 de xaneiro de 2010	O voo 409 de Ethiopian Airlines estréllanse no Mediterráneo ao pouco de engalar	Mar Mediterráneo	90
12 de maio de 2010	O voo 771 de Afriqiyah Airways esnáfrase ao aproximarse ao aeroporto.	Aeroporto de Trípoli	103
28 de xullo de 2010	O voo 202 de Airblue esnáfrase por un erro do piloto.	Margalla Hills, Paquistán	152
24 de agosto de 2010	O voo 8387 Henan Airlines esnáfrase nunha aproximación con brétema.	Aeroporto de Lindu, China	44

Véxase tamén

Ligazóns externas

• AirDisaster.com, unha base de datos de accidentes aéreos.