Saltar ao contido

Historia da literatura galega contemporánea

Engadir ligazóns
Na Galipedia, a Wikipedia en galego.

Historia da literatura galega contemporánea
Portada da edición de 1975
Título orixinalHistoria da literatura galega contemporánea
Autor/aRicardo Carballo Calero
OrixeGalicia
LinguaGalego
Tema(s)literatura galega
Xénero(s)Ensaio
EditorialEditorial Galaxia
Data de pub.1975, 2ª ed. (1963)
Páxinas896
ISBNISBN 84-7154-227-7
[ editar datos en Wikidata ]

Historia da literatura galega contemporánea é unha obra de Ricardo Carballo Calero publicada pola Editorial Galaxia en 1963.[1] En 1975 fíxose unha 2ª edición ampliada:

“ En 1963 foi imprentada unha parte desta obra, que comprendía os primeiros oito capítulos. Estaba prevista a aparición dun segundo volume que contería o resto do traballo... Cando ao final se rematou a tarefa, estimouse preferíbel reunir nun só tomo toda a obra; así que esta é unha segunda edición daquel primeiro tomo, completada cos capítulos proxeitados inicialmente para constituír o segundo. É, logo, unha segunda edición aumentada![2] ”

Reeditouse en 1981[3] e 2001[4]. Galaxia tirou en 2020 unha nova edición facsímile da de 1981 (ISBN 978-84-9151-421-3).[5]

A Editora Nacional de Madrid publicou en 1976 unha tradución da primeira edición.

Contido

[editar | editar a fonte]

O estudo abrangue de 1808 a 1936

“ Como estaba previsto desde que se planeou a obra, esta comprende a literatura galega aparecida entre 1808 e 1936, fitos importantes na evolución da mesma. Mais o editor e o autor teñen convido en non interrumpir a información sobre aqueles autores xa ben coñecidos en 1936 que continuaron en activo despois desa data. Séguese, pois, a súa carreira até o presente, no seu caso. Incluímos no noso estudo aos que en 1936 tiñan publicado libros, e prescindimos dos que por entón somente encetaran a súa carreira, por moi soados que chegaran a ser posteriormente. Realmente, damos por rematado este estudo co dos membros da derradeira promoción do Seminario de Estudos Galegos, nados arredor de 1910.[6] ”
Introdución
  • Lingua e literatura
  • Historiografía
I. A literatura galega dende a Invasión Francesa ata a morte de Fernando VII
II. O Romantismo. Precursores de Rosalía
Amósanse, a continuación, algunhas das
imaxes das 14 láminas que inclúe o libro.
Portadas do Álbum de la Caridad e de Los Precursores
Xosé Fernández Neira e Nicomedes Pastor Díaz
Xan Manuel Pintos e Marcial Valladares
José García Mosquera e Francisco Añón
Francisco María de la Iglesia e Benito Vicetto
Manuel Murguía e Andrés Martínez Salazar
Bernardino Álvarez, Robustiano Faginas, Tettamancy, Modesto Garrido, Vaamonde, Bernardo Faginas, Barreiro, Chané, Murguía e Carré.
Rosalía con Murguía e os fillos e Eduardo Pondal
Curros con Xosé Oxea, Manuel Murguía, Andrés Martínez, Euxeo Carré, Florencio Vaamonde, Francisco Tettamancy i Eladio Rodríguez.
Valentín Lamas Carvajal e Benito Losada Astray
Evaristo Martelo Paumán e Manuel Leiras Pulpeiro
Aureliano Pereira e Alberto García Ferreiro
Florencio Vaamonde Lores e Enrique Labarta
Manuel Lugrís Freire e Heraclio Pérez Placer
Manuel Núñez González e Antón Villar Ponte
Xosé Lesta Meis e Xaime Quintanilla Martínez
IV Asemblea Nacionalista. Entre outros están: Castelao, Casal, Losada, Antón Villar Ponte, Manuel Antonio, Blanco Torres e Otero Pedrayo
Entrada dos poetas no SEG en 1926 en Santiago. Están, entre outros: Cuevillas, Taibo, Risco, López Abente, Cabeza de León, A. Villar Ponte, Filgueira, Castelao, Otero Pedrayo, Lugrís, Leandro Carré e Vidal Rey.
III. Introducción ao estudo do Renacimento pleno
IV. Rosalía de Castro
  • Importancia de Rosalía
  • A vida
  • Physis
  • Psyshé
  • A invención dos Cantares
  • Contido
  • Comentario
  • Métrica
  • Follas Novas. Contido
  • Do folclore á metafísica
  • Visión da vida humá
  • A métrica en Follas Novas
  • Relacións e débedas
  • A prosa rosaliá
  • Lingua
  • Estilo
V. Eduardo Pondal
  • O bo bergantiñán
  • Aristocracia
  • Topónimos
  • Antropónimos
  • Bardismo
  • Civismo
  • Bucolismo
  • A natureza viva
  • A muller
  • Dos Rumores aos Queixumes
  • Os Eoas
  • Lingua
  • Rasgos estilísticos
  • Métrica
VI. Manuel Curros Enríquez
VII. Os Diádocos
VIII. Os Epígonos
IX. A literatura postrenacentisa
X. A época das Irmandades
O Grupo Nós
XII. Os Novecentitas
XIII. Os tempos do Seminario
“ Acabouse de imprimir nos talleres de Artes Gráficas Galicia, de Vigo, esta segunda edición da Historia da literatura galega contemporánea, de Ricardo Carballo Calero, o día 24 de febreiro de 1975, data en que se compren cento trinta e oito anos do nacimento de Rosalía de Castro, que tivo lugar na mesma cidade de Santiago de Compostela onde o autor puxo o ramo á súa obra. ”

Proxección

[editar | editar a fonte]

Esta monumental historia da literatura galega contemporánea é a obra máis importante do autor e unha contribución fundamental á historiografía da literatura en lingua galega, fonte na que beben os estudos posteriores.

Inclúe unha completa Bibliografía dos doce capítulos tratados. Tamén achega uns extensos Índices: onomástico, de obras, de revistas e xornais, de láminas, xeral. O índice de obras serviu de guía na exposición O libro galego onte e hoxe (1979) en Santiago de Compostela.[7]

Segundo Henrique Rabuñal: unha obra monumental que supuña un tratamento dignificador da nosa propia literatura abordada con rigor, autonomía e precisión.[8]

Carballo Calero engade nunha conversa con Carmen Blanco:[9]

... foi a obra en que invertín, efectivamente, un maior número de horas de traballo e na que consumín un maior número de anos en reunir datos, consultar textos e organizar sistematicamente a materia. Esa obra non vai máis alá da miña propia xerazón. Foi concebida desde o primeiro momento por min dentro dos límites que se me sinalaron...

Notas

[editar | editar a fonte]
  1. ↑ Valverde, Albeerto (Xullo, agosto, setembro 2020). "Carballo Calero e a Historia da Literatura". Grial. LVIII (227): 82. ISSN 0017-4181. 
  2. ↑ Carballo Calero, Ricardo (1975). Historia da literatura galega contemporánea. Editorial Galaxia. ISBN 84-7154-227-7. 
  3. ↑ Carballo Calero, Ricardo (1981). Historia da literatura galega contemporánea. Editorial Galaxia. ISBN 84-7154-391-5. 
  4. ↑ Carballo Calero, Ricardo (2001). Historia da literatura galega contemporánea. Editorial Galaxia. ISBN 978-84-7154-390-5. 
  5. ↑ "Volver a clase co manual de Carvalho". La Voz de Galicia (en castelán). 2020-07-06. Consultado o 2020-07-06. 
  6. ↑ Carballo Calero 1975, p. 8.
  7. ↑ Vilariño Pintos, Daría; Pardo Gómez, María Virtudes (1981). O libro galego onte e hoxe. Catálogo da Exposición Bibliográfica Santiago, maio-xuño 1979. USC. ISBN 84-7191-252-X. 
  8. ↑ Rabuñal, Henrique (2020). Ricardo Carvalho Calero. O anxo da terra. Galaxia. p. 158. ISBN 978-84-9151-436-7. 
  9. ↑ Blanco, Carmen (1989). Conversas con Carballo Calero. Galaxia. p. 113. ISBN 84-7154-654-X. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Historia_da_literatura_galega_contemporánea&oldid=6799876»