Míchel Salgado

Míchel Salgado

Biografía
Nacemento	22 de outubro de 1975 (49 anos) As Neves, España
Outros nomes	Míchel
Altura	174 cm
Peso	75 kg
Actividade
Ocupación	futbolista
Período de actividade	1995 - 2013
Nacionalidade deportiva	España
Deporte	fútbol
Liga	Premier League
Posición de xogo	Lateral e defensa
Traxectoria   Equipo 1994–1995   Celta Fortuna 20 (0) 1995–1999   Celta de Vigo 92 (3) 1996–1997 → cesión:  UD Salamanca 36 (1) 1999–2009   Real Madrid CF 254 (4) 2009–2012 Blackburn Rovers 66 (0)   Selección nacional 1994–1994   España sub-18 7 (0) 1995–1995   España sub-20 5 (1) 1995–1995   España sub-19 2 (0) 1996–1998   España sub-21 10 (0) 1998–2006   España 53 (0) 2005–2005   Galicia 1 (0)   Adestrador 2016–   Galicia
Participou en
2006	Mundial de Fútbol Alemaña 2006
2000	Eurocopa de 2000
Premios
(2012)  Medalla Castelao

Miguel Ángel "Míchel" Salgado Fernández, nado en Vide (As Neves) o 22 de outubro de 1975, é un exfutbolista galego. Xogaba de defensa e foi internacional coa selección española e mais coa selección galega, da cal foi seleccionador xunto con Fran.

Traxectoria

Míchel Salgado comezou a súa carreira como futbolista nas categorías inferiores do Celta de Vigo. Na tempada 1994–95 deu o salto ao cadro do primeiro equipo vigués. Tras estar cedido no UD Salamanca a tempada 1996–97, Salgado volveu ao Celta de Vigo onde se consolidou como un dos mellores defensas do fútbol español, que o levaron á selección en 1998, coa que debutou coa derrota de España en Chipre (3–2).

No verán de 1999 o Real Madrid fíxose cos servizos do lateral galego, que gañou a titularidade dende entón no once merengue. É coñecido como "Il due" (o 2), o seu dorsal. No verán de 2009, malia ter tres anos máis de contrato co club branco, o Real Madrid decidiu prescindir dos seus servizos. Salgado fichou polo Blackburn Rovers, que milita na Premier League inglesa, club no que permaneceu até 2012.

O 6 de maio de 2016 foi presentado, xunto con Fran, como seleccionador da selección galega.

Palmarés

• 2 veces campión da Copa de Europa, en 2000 e 2002
• 1 vez campión da Copa Intercontinental, en 2002
• 1 vez campión da Supercopa de Europa, en 2002
• 4 veces campión da liga española, en 2001 , 2003 ,2007 e 2008
• 2 veces campión da Supercopa de España, en 2001 e 2003
• Foi internacional absoluto coa selección española. Coa selección española sub 21 gañou no 1998 o Campionato de Europa.
• Tamén foi internacional coa Selección galega.

Como empresario

Míchel Salgado converteuse, grazas aos beneficios conseguidos coa práctica deportiva, nun importante empresario. Posúe intereses inmobiliarios en Vigo, asociado nalgúns casos ao exfutbolista Valery Karpin, e no Porriño. Tamén ten investimentos na cría de cabalos de carreiras, e é o presidente do club de hóckey a patíns Vigo Stick.

Tamén ten intereses no sector audiovisual, onde posúe unha porcentaxe da canle Destino Galicia, unha canle de televisión dixital de temática galega.

Vida persoal

Casou no verán de 2000 en Madrid con Malula Sanz, filla do entón presidente do Real Madrid, Lorenzo Sanz. A parella tivo tres fillos: Malu, Miguel Ángel e Alan.

Véxase tamén

Ligazóns externas

• Datos do xogador en bdfutbol.com