Rúa Rosalía de Castro (Vigo)

Rosalía de Castro
Titular da vía	Concello de Vigo
Dimensións
Lonxitude	700 m

A rúa de Rosalía de Castro é unha vía urbana da cidade galega de Vigo. Comeza na intersección da rúa Marqués de Valadres coa rúa de Colón, e termina confluíndo nunha rotonda coa rúa de García Barbón. Ten unha lonxitude de 700 metros.

Historia

Salinas no Centro Arqueolóxico de Salinae.

A rúa de Rosalía de Castro é unha vía relativamente recente, proxectada a finais do século XX. Porén, foi xa proxectada a principios do século XX por Ramiro Pascual e Manuel Cominges.

Existen antecedentes dun camiño que unía Vigo con Redondela onde actualmente está construída a rúa Rosalía de Castro, o que poderíamos considerer o seu precursor. Tratábase dun camiño que bordeaba o mar e na que apenas había construcións, agás algunha vivenda de familias catalás que se instalaron na cidade co auxe da explotación conserveira e da sardiña.

Finalmente, en 1989, aprobouse a conceptualización da rúa no Plan Especial de Reforma Interior de Vigo (PERI). En 1993, con Carlos Príncipe como rexidor da cidade, apróbase o Plan de Reordenamento Xeral Urbano de 1993 (PXOU93). Así, finalmente un ano despois, en 1994, comeza a súa construción por tramos. En 1995 inaugurouse un segundo tramo até a rúa Oporto, e finalmente en 2011 rematouse o último tramo atá a rotonda de García Barbón.

A rúa está situada sobre un antigo asentamento romano, concretamente unhas salinas, o que obligou á modificación do proxecto orixial da rúa. Ademais, creouse un museo denominado Centro Arqueolóxico de Salinae. En 2006, no transcurso das obras da rúa, atopáronse tamén un áncora de pedra e varias pezas cerámicas.

Toponimia

A rúa recibe a súa denominación da escritora galega Rosalía de Castro.

Morfoloxía e urbanismo

A rúa ten unha lonxitude de 700 metros e posúa catro rotondas, o que a converte dunha das vías con máis rotondas da cidade. Cada unha delas ten unha estatua:

• Monumento a Rosalía de Castro.
• Olivo centenario. Instalado en 2015, procedente da Serra de Cádiz.
• Monumento "Como chove miudiño", de Forcarei, que representa unha pinga de choiva e que toma o seu nome dun poema de Rosalía.
• Ciberfonte de Rosalía de Castro, cunha pantalla LED instalada en 2017.

  

  Centro de Saúde da rúa Rosalía de Castro.

Véxase tamén

Outros artigos

• Rosalía de Castro
• Avenida de Castelao (Vigo)