Avenida de García Barbón (Vigo)

Rúa de García Barbón
Lonxitude	1,7 km
Localización
Inicio	Sanjurjo Badía
Fin	Policarpo Sanz
Localidade	Vigo
Código postal	36201

A rúa da García Barbón é unha vía urbana da cidade de Vigo. Constitúa unha das principais arterias do rueiro olívico, e unha das vías que conecta o barrio de Teis co centro urbano.

Trátase dunha avenida de entre dous e tres carrís, bidireccional, e que no seu percorrido atravesa rúas importantes coma a rúa de Isaac Peral, Rosalía de Castro, Afonso XIII, República Arxentina e Colón. A rúa termina coa súa unión coa rúa de Policarpo Sanz.

Recibe o seu nome de Xosé García Barbón, empresario verinés afincado e finado en Vigo. Após de emigrar a Habana, volveu á cidade, onde comprou diferentes propiedades e construíu varios edificios senlleiros, coma o Teatro Rosalía de Castro ou a Escola de Artes e Oficios, entre outros.

Historia

A rúa de García Barbón foi construída e humanizada a finais do século XIX. Inicialmente a vía era moito máis longa, con aproximadamente 1 700 metros de lonxitude, pois abarcaba a que a día de hoxe é a rúa Policarpo Sanz. Estaba pensada como unha circunvalación que conectase Teis, concretamente a rúa de Julián Estévez, coa Porta do Sol.

A rúa é unha das máis largas de Vigo, e conseguiuse tras fusionar dous ramais paralelos proxectados e expropiar os terreos entre unha e outra vía. Durante a época de José Elduayen encargouse a expropiación dos terreos e a humanización da vía, que custou unhas 150 000 pesetas.