Lukko Naiset
| Lukko Naiset | |
|---|---|
 | |
| Fundación | 2011 |
| Cidade |  Rauma, Satakunta Finlandia |
| Estadio | Westinghouse Areena |
| Liga | Naisten Liiga |
| Adestrador | Vesa Kaukola |
| Cores | Azul e amarelo |
 | |
| Na rede | |
| https://www.juniorilukko.fi/jaakiekko/joukkueet/6650 | |
    | |
Rauman Lukko Naiset, ou simplemente Lukko Naiset, foi un equipo feminino de hóckey sobre xeo da cidade de Rauma. A finais de abril de 2023 a empresa que xestionaba o equipo, Lukko ry, decidiu disolvelo.
Dende 2021 disputou os seus partidos como local no Westinghouse Areena da localidade de Eurajoki.[1]
Historia
[editar | editar a fonte]Na tempada 1997-98 o Lukko oficializou o seu equipo representativo feminino ao inscribilo para as eliminatorias de I-divisioona.[2] O equipo reapareceu en 2011, cando se inscribiu para competir no terceiro nivel do hóckey sobre xeo feminino en Finlandia, a Naisten Suomi-sarja, a partir da tempada 2011-12.[3]
O equipo comezou a tempada 2021-22 da Naisten Mestis, na que se proclamou campión do seu grupo, xogándose a clasificación para o grupo inferior da Naisten Liiga na segunda metade da tempada, fronte a APV e Kiekko-Espoo Akatemia.[4] Na final, o equipo conseguiu a clasificación para disputar a máxima categoría a pesar da derrota no primeiro partido disputado en Alavus fronte a APV, xa que conseguiu derrotar ás xogadoras de Espoo na casa por tres goles a cero.[5] Deste xeito Lukko regresaba á máxima categoría por segundo ano consecutivo. A falta de dous partidos para a finalización da tempada 2021-22 da Naisten Liiga Lukko conseguiu o seu ascenso á máxima categoría para a tempada seguinte, ao ser a diferenza de puntos insalvable para os dous últimos clasificados da fase de permanencia, Sport e APV.[6]
O 28 de abril de 2023 Lukko ry, a empresa que xestionaba o equipo feminino entre outros, decidiu suprimir o equipo da Naisten Liiga sinalando unha presunta falta de xogadoras.[7] Nunha entrevista no portal Jatkoaika, a capitá do equipo, Maija Koski, sinalaba a ausencia de comunicación co equipo por parte de Lukko ry, que en nigún momento se reuniu coas xogadoras para analizar a situación para chegar a un acordo e manter o equipo na competición. Pouco despois da toma da decisión o equipo feminino foi eliminado das listas de equipos de Lukko.[8]
Pouco máis dun ano despois de suprimir o equipo feminino, en maio de 2024, anunciouse que o Lukko regresaría á competición en categoría feminina para a tempada 2024-25. O 11 de maio a Federación Finlandesa de Hóckey sobre Xeo aceptou a proposta do Lukko e o Panelian Raikas (PaRa), pola cal o equipo de Rauma adquiría a praza do de Panelia na segunda categoría, a Naisten Mestis. A pesar de que os equipos non podían decidir por si mesmos a transferencia de prazas nunha competición, a decisión positiva da federación debeuse ao compromiso do Lukko por desenvolver o hóckey sobre xeo feminino na rexión.[9]
Na tempada do seu regreso á competición, o equipo combinado de Lukko e PaRa finalizou a liga regular da Naisten Mestis na cuarta posición, polo que tivo que disputar a eliminatoria de cuartos de final fronte o quinto clasificado, o KeuPa, ao mellor de tres encontros. O Lukko/PaRa conseguiu superar o equipo de Keuruu en dous partidos (4-1 e 1-2), avanzando así ata as semifinais, disputadas tamén ao mellor de tres encontros, desta volta fronte as primeiras clasificadas da liga regular, K-Espoo Akatemia. A serie de semifinais extendeuse ata o encontro decisivo en Espoo, logo de que cada un dos equipos gañara o seu partido como visitante, e finalmente o Lukko/PaRa se fixo coa vitoria. Na final volvéronse impoñer, desta volta en dous partidos, ao APV para facerse cun lugar na promoción á Auroraliiga fronte o RoKi. O segundo partido das finais da Naisten Mestis disputouse en Eurajoki ante 140 persoas, que asistiton á vitoria local por 4-3 grazas a un gol na prórroga de Charlotta Lundström, conseguindo así o equipo de Rauma o campionato da segunda categoría do hóckey sobre xeo feminino finlandés.[10]
Palmarés
[editar | editar a fonte]Trofeos colectivos
[editar | editar a fonte]- O equipo feminino do Lukko proclamouse unha vez campión da segunda categoría do hóckey sobre xeo feminino finlandés na tempada 2024-25.
Trofeos individuais
[editar | editar a fonte]- Trofeo Tuula Puputti: recompensa cada ano á mellor porteira da liga. Unha xogadora do equipo recibiu o galardón nalgunha ocasión:[11]
- Eveliina Mäkinen: 2017
Notas
[editar | editar a fonte]- ↑ "Eurajoen Westinghouse Areena on Lukko Naisten uusi koti" (en finés). juniorilukko.fi. 28 de abril de 2021. Consultado o 14 de xaneiro de 2022.
- ↑ "Lukko" (en finés). Leijonat.fi. 6 de febreiro de 2023. Consultado o 9 de xuño de 2023.
- ↑ "Rauman Lukko mukaan naiskiekkoon kovin tavoittein" (en finés). leijonat.fi. 19 de agosto de 2011. Consultado o 5 de febreiro de 2022.
- ↑ "Nämä kolme Naisten Mestiksen joukkuetta pelaavat ensi viikonloppuna paikoista Naisten Liigan alemmassa jatkosarjassa" (en finés). leijonat.fi. 13 de decembro de 2021. Consultado o 14 de xaneiro de 2022.
- ↑ "Saara Rintamaa nollasi espoolaiset" (en finés). juniorilukko.fi. 18 de decembro de 2021. Consultado o 14 de xaneiro de 2022.
- ↑ Ruotsalainen, Annu (3 de abril de 2022). "Vaasan Sportin taival Naisten Liigassa päättyi karsintasarjaan – Lukko ja RoKi varmistivat paikkansa ensi kaudelle". Jatkoaika.com (en finés). Consultado o 4 de abril de 2022.
- ↑ Seppä, Lassi (28 de abril de 2023). "Lukko luopuu Naisten Liigan paikastaan". Jatkoaika.com (en finés). Consultado o 4 de maio de 2023.
- ↑ Seppä, Lassi (29 de abril de 2023). "Kapteeni Maija Kosken Lukko-sydän murtui joukkueen lopetusuutisesta − "Aikuisten, maksavien pelaajien mielipidettä ei kysytty"". Jatkoaika.com (en finés). Consultado o 4 de maio de 2023.
- ↑ Seppä, Lassi (18 de maio de 2024). "Lukko palaa naisten kiekkokartalle − saa PaRalta sarjapaikan Naisten Mestiksestä". Jatkoaika.com (en finés). Consultado o 10 de xuño de 2024.
- ↑ Seppä, Lassi (8 de marzo de 2025). "Lukko/PaRa voitti naisten Mestiksen mestaruuden − pääsarjakarsintojen aikataulu on selvillä". Jatkoaika.com (en finés). Consultado o 26 de marzo de 2025.
- ↑ "Awards - Naisten Liiga (W) Best Goaltender (Tuula Puputti Award)" (en inglés). eliteprospects.com. Consultado o 4 de abril de 2022.
Véxase tamén
[editar | editar a fonte] |
Wikimedia Commons ten máis contidos multimedia na categoría: Lukko Naiset |
Outros artigos
[editar | editar a fonte]Ligazóns externas
[editar | editar a fonte]- Sitio web oficial (en finés)
